Shaam-e-Gham Yaad Hai Kab Shama Jali Yaad Nahi

Shaam-e-Gham Yaad Hai Kab Shama Jali Yaad Nahi
Kab Woh Rukhsat Huye Kab Raat Dhali Yaad Nahi

Dil Se Behte Huye Pani Ki Sada Guzri Thi
Kab Dhundalka Hua Kab Naao Chali Yaad Nahi

Thande Mausam Mein Pukara Koi Hum Aate Hain
Jis Mein Hum Khel Rahe Thay Woh Gali Yaad Nahi

In Muzaafaat Mein Chhup Chhup Ke Hawa Chalti Thi
Kaise Khilti Thi Mohabbat Ki Kali Yaad Nahi

Jism-o-Jaan Doob Gaye Khwab-e-Faramoshi Mein
Ab Koi Baat Buri Ho Ke Bhali Yaad Nahi

شام غم یاد ہے کب شمع جلی یاد نہیں
کب وہ رخصت ہوئے کب رات ڈھلی یاد نہیں

دل سے بہتے ہوئے پانی کی صدا گزری تھی
کب دھندلکا ہوا کب ناؤ چلی یاد نہیں

ٹھنڈے موسم میں پکارا کوئی ہم آتے ہیں
جس میں ہم کھیل رہے تھے وہ گلی یاد نہیں

ان مضافات میں چھپ چھپ کے ہوا چلتی تھی
کیسے کھلتی تھی محبت کی کلی یاد نہیں

جسم و جاں ڈوب گئے خواب فراموشی میں
اب کوئی بات بری ہو کہ بھلی یاد نہیں

شام غم یاد ہے کب شمع جلی یاد نہیں احمد مشتاق