Shab Dhali Chand Bhi Nikle To Sahi - Mohsin Naqvi

Shab Dhali Chand Bhi Nikle To Sahi
Dard Jo Dil Mein Hai Chamakay To Sahi

Hum Wahin Par Basa Lein Khud Ko
Woh Kabhi Raah Mein Roke To Sahi

Mujhe Tanhaiyon Ka Khauf Kyun Hai
Woh Mere Pyar Ko Samjhe To Sahi

Woh Qayamat Ho, Sitara Ho Ke Dil
Kuch Na Kuch Hijr Mein Tootay To Sahi

Sab Se Hat Kar Manana Hai Use
Hum Se Ek Baar Woh Roothe To Sahi

Us Ki Nafrat Bhi Mohabbat Hogi
Mere Baare Mein Woh Soche To Sahi

Dil Usi Waqt Sambhal Jayega
Dil Ka Ahwal Woh Poochay To Sahi

Us Ke Qadmon Mein Bichha Doon Aankhein
Meri Basti Se Woh Guzre To Sahi

Mera Jism Aaina Khana Thehre
Meri Jaanib Kabhi Dekhe To Sahi

Us Ke Sab Jhoot Bhi Sach Hain Mohsin
Shart Itni Hai Ke Bole To Sahi

— Mohsin Naqvi

شب ڈھلی چاند بھی نکلے تو سہی
درد جو دل میں ہے چمکے تو سہی

ہم وہیں پر بسا لیں خود کو
وہ کبھی راہ میں روکے تو سہی

مجھے تنہائیوں کا خوف کیوں ہے
وہ مرے پیار کو سمجھے تو سہی

وہ قیامت ہو ،ستارہ ہوکہ دل
کچھ نہ کچھ ہجر میں ٹوٹے تو سہی

سب سے ہٹ کر منانا ہے اُسے
ہم سے اک بار وہ روٹھے تو سہی

اُس کی نفرت بھی محبت ہو گی
میرے بارے میں وہ سوچے تو سہی

دل اُسی وقت سنبھل جائے گا
دل کا احوال وہ پوچھے تو سہی

اُس کے قدموں میں بچھا دوں آنکھیں
میری بستی سے وہ گزرے تو سہی

میرا جسم آئینہ خانہ ٹھہرے
میری جانب کبھی دیکھے تو سہی

اُس کے سب جھوٹ بھی سچ ہیں محسن
شرط اتنی ہے کہ، بولے تو سہی

Shab Dhali Chand Bhi Nikle To Sahi – Mohsin Naqvi