Udaas Aasmaan Hai, Dil Mera Kitna Akela Hai

Udaas Aasmaan Hai, Dil Mera Kitna Akela Hai
Parinda Shaam Ke Pul Par Bahut Khamosh Baitha Hai

Main Jab So Jaun Un Palkon Pe Apne Honth Rakh Dena
Yaqeen Aa Jayega, Palkon Tale Bhi Dil Dhadakta Hai

Tumhare Shehar Ke Saare Diye To So Gaye Kab Ke
Hawa Se Poochhna, Dehleez Pe Yeh Kaun Jalta Hai

Agar Fursat Mile To Pani Ki Tahreeron Ko Padh Lena
Har Ek Dariya Hazaron Saal Ka Afsana Likhta Hai

Kabhi Main Apne Hathon Ki Lakeeron Se Nahi Uljha
Mujhe Maloom Hai Qismat Ka Likha Bhi Badalta Hai

Phir Us Ke Baad Tanhai Parkhti Hai Musafir Ko
Jahan Tak Roshni Hai Apna Saya Saath Deta Hai

Samundar Paar Karke Jab Main Aaya Dekhta Kya Hoon
Hamare Do Gharon Ke Beech Sannaton Ka Dariya Hai

Makaan Se Kya Mujhe Lena, Makaan Tum Ko Mubarak Ho
Magar Yeh Ghaas Wala Reshmi Qaleen Mera Hai

اداس آسماں ہے ، دل مرا کتنا اکیلا ہے
پرندہ شام کے پل پر بہت خاموش بیٹھا ہے

میں جب سوجاؤں ان پلکوں پہ اپنے ہونٹ رکھ دینا
یقیں آجائے گا،پلکوں تلے بھی دل دھڑکتا ہے

تمہارے شہر کے سارے دئیے تو سوگئے کب کے
ہوا سے پوچھنا ، دہلیز پہ یہ کون جلتا ہے

اگر فرصت ملے تو پانی کی تحریروں کو پڑھ لینا
ہر اک دریا ہزاروں سال کا افسانہ لکھتا ہے

کبھی میں اپنے ہاتھوں کی لکیروں سے نہیں الجھا
مجھے معلوم ہے قسمت کا لکھا بھی بدلتا ہے

پھر اس کے بعد تنہائی پرکھتی ہے مسافر کو
جہاں تک روشنی ہے اپنا سایہ ساتھ دیتا ہے

سمندر پار کرکے جب میں آیا دیکھتا کیا ہوں
ہمارے دو گھروں کے بیچ سناٹوں کا دریا ہے

مکاں سے کیا مجھے لینا ، مکاں تم کو مبارک ہو
مگر یہ گھاس والا ریشمی قالین میرا ہے