Is Tarah Saath Nibhana Hai Dushwar Sa - Bashir Badr

Is Tarah Saath Nibhana Hai Dushwar Sa
Tu Bhi Talwar Sa, Main Bhi Talwar Sa

Apna Rang-E-Ghazal Us Ke Rukhsar Sa
Dil Chamakne Laga Hai Rukh-E-Yar Sa

Ab Hai Toota Sa Dil, Khud Se Bezar Sa
Is Haweli Mein Lagta Tha Darbar Sa

Khoobsurat Si Pairon Mein Zanjeer Ho
Ghar Mein Baitha Rahun Main Giriftar Sa

Main Farishton Ki Sohbat Ke Laiq Nahin
Ham-Safar Koi Hota Gunahgar Sa

Gudiya Gudde Ko Becha Kharida Gaya
Ghar Sajaya Gaya Raat Bazar Sa

Shaam Tak Kitne Haathon Se Guzrunga Main
Chai-Khane Mein Urdu Ke Akhbar Sa

Baat Kya Hai Ki Mashhoor Logon Ke Ghar
Maut Ka Sog Hota Hai Tyauhaar Sa

Zeena Zeena Utarta Hua Aaina
Us Ka Lahja Anokha Khanak-Dar Sa

اس طرح ساتھ نبھنا ہے دشوار سا
تو بھی تلوار سا میں بھی تلوار سا

اپنا رنگ غزل اس کے رخسار سا
دل چمکنے لگا ہے رخ یار سا

اب ہے ٹوٹا سا دل خود سے بیزار سا
اس حویلی میں لگتا تھا دربار سا

خوبصورت سی پیروں میں زنجیر ہو
گھر میں بیٹھا رہوں میں گرفتار سا

میں فرشتوں کی صحبت کے لائق نہیں
ہم سفر کوئی ہوتا گنہ گار سا

گڑیا گڈے کو بیچا خریدا گیا
گھر سجایا گیا رات بازار سا

شام تک کتنے ہاتھوں سے گزروں گا میں
چائے خانے میں اردو کے اخبار سا

بات کیا ہے کہ مشہور لوگوں کے گھر
موت کا سوگ ہوتا ہے تیوہار سا

زینہ زینہ اترتا ہوا آئنہ
اس کا لہجہ انوکھا کھنک دار سا

Is Tarah Saath Nibhana Hai Dushwar Sa – Bashir Badr