Duniya Ka Kuch Bura Bhi Tamasha Nahin Raha

Duniya Ka Kuch Bura Bhi Tamasha Nahin Raha
Dil Chahta Tha Jis Tarah Waisa Nahin Raha

Tum Se Mile Bhi Hum To Judai Ke Mor Par
Kashti Hui Naseeb To Darya Nahin Raha

Kehte The Ek Pal Na Jiyeinge Tere Baghair
Hum Dono Reh Gaye Hain Woh Wada Nahin Raha

Kaate Hain Is Tarah Se Tere Baghair Roz-o-Shab
Main Saans Le Raha Tha Par Zinda Nahin Raha

Aankhen Bhi Dekh Dekh Ke Khwab Aa Gayi Hain Tang
Dil Mein Bhi Ab Woh Shauq, Woh Lapka Nahin Raha

Kaise Milayein Aankh Kisi Aaine Se Hum
Amjad Hamare Paas To Chehra Nahin Raha

— Amjad Islam Amjad

دنیا کا کچھ برا بھی تماشا نہیں رہا
دل چاہتا تھا جس طرح ویسا نہیں رہا

تم سے ملے بھی ہم تو جدائی کے موڑ پر
کشتی ہوئی نصیب تو دریا نہیں رہا

کہتے تھے ایک پل نہ جیئیں گے ترے بغیر
ہم دونوں رہ گئے ہیں وہ وعدہ نہیں رہا

کاٹے ہیں اس طرح سے ترے بغیر روز و شب
میں سانس لے رہا تھا پر زندہ نہیں رہا

آنکھیں بھی دیکھ دیکھ کے خواب آ گئی ہیں تنگ
دل میں بھی اب وہ شوق، وہ لپکا نہیں رہا

کیسے ملائیں آنکھ کسی آئنے سے ہم
امجد ہمارے پاس تو چہرہ نہیں رہا

(امجد اسلام امجد)

Duniya Ka Kuch Bura Bhi Tamasha Nahin Raha – Poetry