Gul Tera Rang Kyun Laye Hain Gulzaron Mein

Gul Tera Rang Kyun Laye Hain Gulzaron Mein — Ahmad Nadeem Qasmi

Gul Tera Rang Kyun Laye Hain Gulzaron Mein
Jal Raha Hoon Bhari Barsat Ki Bocharon Mein

Mujh Se Katra Ke Nikal Ja Magar Ai Jaan-E-Jahan
Dil Ki Lau Dekh Raha Hoon Tere Rukhsaron Mein

Mujh Ko Nafrat Se Nahin Pyar Se Masloob Karo
Main Bhi Shamil Hoon Mohabbat Ke Gunahgaron Mein

Husn Begana-E-Ehsas-E-Jamal Achha Hai
Ghunchay Khilte Hain To Bik Jate Hain Bazaron Mein

Zikr Karte Hain Tera Mujh Se Ba-Unwan-E-Jafa
Chara-Gar Phool Paro Laye Hain Talwaron Mein

Mere Kise Mein To Ek Soot Ki Anti Bhi Na Thi
Naam Likhwa Diya Yusuf Ke Kharidaron Mein

Rut Badalti Hai To Mayar Badal Jate Hain
Bulbulen Khar Liye Phirti Hain Minqaron Mein

Chun Le Bazar-E-Hunar Se Koi Bahroop Nadeem
Ab To Fankar Bhi Shamil Hain Adakaron Mein

گُل ترا رنگ چرا لائے ہیں گلزاروں میں – احمد ندیم قاسمی

گُل ترا رنگ چرا لائے ہیں گلزاروں میں
جل رہا ہوں بھری برسات کی بوچھاروں میں

مجھ سے کترا کے نکل جا مگر اے جانِ جہاں
دل کی لَو دیکھ رہا ہوں ترے رخساروں میں

مجھ کو نفرت سے نہیں پیار سے مصلوب کرو
میں بھی شامل ہوں محبت کے گنہ گاروں میں

حُسن بیگانۂ احساسِ جمال اچھا ہے
غنچے کھِلتے ہیں تو بِک جاتے ہیں بازاروں میں

ذکر کرتے ہیں ترا مجھ سے بعنوانِ جفا
چارہ گر پھول پرو لائے ہیں تلواروں میں

میرے کِیسے میں تو اک سُوت کی انٹی بھی نہ تھی
نام لکھوا دیا یوسف کے خریداروں میں

رُت بدلتی ہے تو معیار بدل جاتے ہیں
بلبلیں خار لیے پھرتی ہیں منقاروں میں

چُن لے بازارِ ہنر سے کوئی بہروپ ندیمؔ
اب تو فنکار بھی شامل ہیں اداکاروں میں