Jazbe Ko Zabaan De Raha Hoon - Mohsin Naqvi

Jazbe Ko Zabaan De Raha Hoon
Patthar Ko Bhi Jaan De Raha Hoon

Ek Yaad Ko Dafan Kar Ke Dil Mein
Dushman Ko Amaan De Raha Hoon

Munsif Ka Mizaaj Jaanta Hoon
Be-Sood Bayaan De Raha Hoon

Chehre Pe Saja Ke Khoon Apna
Qaatil Ka Nishaan De Raha Hoon

Faslon Ko To Baarishon Ne Loota
Mitti Ka Lagaan De Raha Hoon

Bahroop Badal Ke Aandhiyon Ka
Tankon Ko Udaan De Raha Hoon

Is Shehar Mein Sher Keh Ke Mohsin
Sehra Mein Azaan De Raha Hoon

جذبے کو زبان دے رہا ہوں
پتھر کو بھی جان دے رہا ہوں

اک یاد کو دفن کر کے دل میں
دشمن کو امان دے رہا ہوں

منصف کا مزاج جانتا ہوں
بے سود بیان دے رہا ہوں

چہرے پہ سجا کے خون اپنا
قاتل کا نشان دے رہا ہوں

فصلوں کو تو بارشوں نے لوٹا
مٹی کا لگان دے رہا ہوں

بہروپ بدل کے آندھیوں کا
تنکوں کو اڑان دے رہا ہوں

اس شہر میں شعر کہہ کے محسنؔ
صحرا میں اذان دے رہا ہوں

Read More Mohsin Naqvi Poetry:

Jazbe Ko Zabaan De Raha Hoon – Mohsin Naqvi