Sadgi Par Us Ki Mar Jaane Ki Hasrat Dil Mein Hai
Mirza Ghalib
Sadgi Par Us Ki Mar Jaane Ki Hasrat Dil Mein Hai
Bas Nahin Chalta Ke Phir Khanjar Kaf-E-Qatil Mein Hai
Dekhna Taqreer Ki Lazzat Ke Jo Us Ne Kaha
Main Ne Yeh Jaana Ke Goya Yeh Bhi Mere Dil Mein Hai
Garche Hai Kis Kis Burai Se, Wale Bain-Hama
Zikr Mera Mujh Se Behtar Hai Ke Us Mehfil Mein Hai
Bas Hujoom-E-Na-Umeedi Khaak Mein Mil Jaayegi
Yeh Jo Ek Lazzat Hamari Sai-E-Be-Hasil Mein Hai
Ranj-E-Raah Kyun Khinchiye, Wa-Maandagi Ko Ishq Hai
Uth Nahin Sakta Hamara Jo Qadam Manzil Mein Hai
Jalwa-Zar-E-Aatish-E-Dozakh Hamara Dil Sahi
Fitna-E-Shor-E-Qayamat Kis Ke Aab-O-Gil Mein Hai
Hai Dil-E-Shorida-E-Ghalib Tilism-E-Pech-O-Taab
Rahm Kar Apni Tamanna Par Ke Kis Mushkil Mein Hai
سادگی پر اس کی مر جانے کی حسرت دل میں ہے
بس نہیں چلتا کہ پھر خنجر کف قاتل میں ہے
دیکھنا تقریر کی لذت کہ جو اس نے کہا
میں نے یہ جانا کہ گویا یہ بھی میرے دل میں ہے
گرچہ ہے کس کس برائی سے ولے باایں ہمہ
ذکر میرا مجھ سے بہتر ہے کہ اس محفل میں ہے
بس ہجوم ناامیدی خاک میں مل جائے گی
یہ جو اک لذت ہماری سعیٔ بے حاصل میں ہے
رنج رہ کیوں کھینچیے واماندگی کو عشق ہے
اٹھ نہیں سکتا ہمارا جو قدم منزل میں ہے
جلوہ زار آتش دوزخ ہمارا دل سہی
فتنۂ شور قیامت کس کے آب و گل میں ہے
ہے دل شوریدۂ غالبؔ طلسم پیچ و تاب
رحم کر اپنی تمنا پر کہ کس مشکل میں ہے
Chhoti Si Be-Rukhi Pe Shikayat Ki Baat Hai – Qamar Jalalabadi
Harf Taaza Nayi Khushboo Mein Likha Chahta Hai – Ghazal
