Garchay Kab Dekhtay Ho Par Dekho - Mir Taqi Mir

Garchay Kab Dekhtay Ho Par Dekho
Aarzu Hai Ke Tum Idhar Dekho

Ishq Kya Kya Humein Dikhata Hai
Aah Tum Bhi To Aik Nazar Dekho

Yoon Arq Jalwa Gar Hai Is Mounh Par
Jis Tarah Os Phool Par Dekho

Har Kharaash E Jabeen Jarahat Hai
Nakhun E Shauq Ka Hunar Dekho

Thi Humein Aarzu Lab E Khanda
So Awaz Is Ke Chashm E Tar Dekho

Rang E Rafta Bhi Dil Ko Khinche Hai
Aik Shab Aur Yaan Sahar Dekho

Dil Hua Hai Taraf E Mohabbat Ka
Khoon Ke Qatray Ka Jigar Dekho

Pohnchay Hain Hum Qareeb Marne Ke
Yani Jatay Hain Door Agar Dekho

Lutf Mujh Mein Bhi Hain Hazaron Meer
Deedani Hoon Jo Soch Kar Dekho

گرچہ کب دیکھتے ہو پر دیکھو
آرزو ہے کہ تم ادھر دیکھو

عشق کیا کیا ہمیں دکھاتا ہے
آہ تم بھی تو اک نظر دیکھو

یوں عرق جلوہ گر ہے اس منہ پر
جس طرح اوس پھول پر دیکھو

ہر خراش جبیں جراحت ہے
ناخن شوق کا ہنر دیکھو

تھی ہمیں آرزو لب خنداں
سو عوض اس کے چشم تر دیکھو

رنگ رفتہ بھی دل کو کھینچے ہے
ایک شب اور یاں سحر دیکھو

دل ہوا ہے طرف محبت کا
خون کے قطرے کا جگر دیکھو

پہنچے ہیں ہم قریب مرنے کے
یعنی جاتے ہیں دور اگر دیکھو

لطف مجھ میں بھی ہیں ہزاروں میرؔ
دیدنی ہوں جو سوچ کر دیکھو

Garchay Kab Dekhtay Ho Par Dekho – Mir Taqi Mir