Na Intezaar Ki Lazzat Na Aarzoo Ki Thakan - Ahmad Faraaz

Na Intezaar Ki Lazzat Na Aarzoo Ki Thakan – Ahmad Faraaz

Na Intezaar Ki Lazzat Na Aarzoo Ki Thakan
Bujhi Hain Dard Ki Shamain Ke So Gaya Hai Badan

Sulag Rahi Hain Na Janay Kis Aanch Se Aankhein
Na Aansuon Ki Talab Hai Na Ratjagon Ki Jalan

Dil E Fareb Zadah Dawat E Nazar Pe Na Ja
Yeh Aaj Ke Qad O Gaisu Hain Kal Ke Daar O Rasan

Ghareeb E Shehar Kisi Saaya E Shajar Mein Na Baith
Ke Apni Chhaon Mein Khud Jal Rahe Hain Sarv O Saman

Bahaar E Qurb Se Pehle Ujaad Deti Hain
Judaiyon Ki Hawaein Mohabbaton Ke Chaman

Woh Aik Raat Guzar Bhi Gayi Magar Ab Tak
Visaal E Yaar Ki Lazzat Se Tootta Hai Badan

Phir Aaj Shab Tere Qadmon Ki Chaap Ke Hamrah
Sunayi Di Hai Dil E Namuraad Ki Dhadkan

Yeh Zulm Dekh Ke Tu Jaan E Shayari Hai Magar
Meri Ghazal Mein Tera Naam Bhi Hai Jurm E Sukhan

Ameer E Shehar Ghareebon Ko Loot Leta Hai
Kabhi Ba Hila E Mazhab Kabhi Banaam E Watan

Hawa E Dahr Se Dil Ka Chiragh Kya Bujhta
Magar Faraz Salamat Hai Yaar Ka Daman

نہ انتظار کی لذت نہ آرزو کی تھکن
بجھی ہیں درد کی شمعیں کہ سو گیا ہے بدن
سُلگ رہی ہیں نہ جانے کس آنچ سے آنکھیں
نہ آنسوؤں کی طلب ہے نہ رتجگوں کی جلن
دلِ فریب زدہ دعوتِ نظر پہ نہ جا
یہ آج کے قد و گیسو ہیں کل کہ دار و رسن
غریبِ شہر کسی سایۂ شجر میں نہ بیٹھ
کہ اپنی چھاؤں میں خود جل رہے ہیں سرو و سمن
بہارِ قرب سے پہلے اُجاڑ دیتی ہیں
جدائیوں کی ہوائیں محبتوں کے چمن
وہ ایک رات گزر بھی گئی مگر اب تک
وصالِ یار کی لذت سے ٹوٹتا ہے بدن
پھر آج شب ترے قدموں کی چاپ کے ہمراہ
سنائی دی ہے دلِ نامراد کی دھڑکن
یہ ظلم دیکھ کہ تُو جانِ شاعری ہے مگر
مری غزل میں ترا نام بھی ہے جُرمِ سخن
امیرِ شہر غریبوں کو لُوٹ لیتا ہے
کبھی بہ حیلئہ مذہب کبھی بنامِ وطن
ہوائے دہر سے دل کا چراغ کیا بجھتا
مگر فراز سلامت ہے یار کا دامن